LAOAG CITY – Nagpalagip ni Atty. Julius Balbas, Election Officer ditoy siudad ti Laoag kadagiti amin a nagpaidasig a kandidato nga agisubmitirdan ti Statement of Contributions and Expenditures wenno SOCE dagitoy.
Inbatadna nga adda ti forms a mabalin a maala iti opisinada tapno mangbayabay kadagitoy kadagiti kasapulan nga aramidenda tapno maipasa nga insigida daytoy.
Inlawlawagna nga amin a kandidato nangabak man wenno saan ket nasken nga agisubmitir ti Statement of Contributions and Expenditures agingga inton Hunio 11.
Inayonna a ti saan a makaisubmitir ti Statement of Contributions and Expenditures iti naikeddeng a panawen ket saan a makatugaw iti opisina dagitoy.
Naammoan a bayat a maisursurat daytoy a damag ket awan pay ti nagipasa iti opisinada iti Statement of Contributions and Expenditures.
Kabayatanna, naragsak nga inpakaammo ni Atty. Balbas a naited aminen nga honorauim dagiti manursuro ken nagserbi kabayatan ti eleksion.
Maipalagip a ti Statement of Contributions and Expenditures ket ditoy a makita ti pakabuklan a gastos ti kandidato iti panagkampania pakairamanan dagiti amin a kontribusion ken donasion a naawat.
