LAOAG CITY – Nagtalinaed ti takder ti Office of the Ombudsman a nakabasar iti ebidensya ti kaso a plunder a naipila kontra ken ni kay Senador Rodante Marcoleta.
Inpetteng ti Ombudsman a mismo a ti senador ti nangadmitir a nagawat ti cash donations nga agbalor ti P75 milyon.
Ti nasao a donasyon ket saan met nga indeklarar ti senador Statement of Assets, Liabilities and Net Worth (SALN) ken Statement of Contributions and Expenditures (SOCE) na.
Sinublianan ti Ombudsman ti nagbalin a rakurak ni Marcoleta maipanggep iti ‘utang na loob’ ken inpetteng na a saan a rumbeng nga agbalin a natimtimbang iti maysa nga opisyal ti gobierno kas ti senador.
Inpetteng pay ti Ombudsman a masapol nga awan ti ‘personal debt’ ti maysa a public servant iti siasinno man donor.
Inkalintegan ti nasao nga opisina nga iti kanito a ti ‘utang na loob’ ket mausar tapno makaluban ti P75 million a saan a naideklarar daytoy kas ‘utang na loob’ ken imbes ket maysan a krimen.
Daytoy met ti rason no apay a naaramid ti plunder ken bribery laws iti Pilipinas, nagbalin a sentro ti naiget diskurso ti kaso ken respetaren na ti karbengan ti tunggal maysa a mangirakurak iti marikrikna ken mangiyuswat ti nainkapiyaan a panagtitipon.
Nupay kasta, kiniddaw na nga ipabus-oy ti linteg ken ebidensya nga agbalin a pagibasaran iti panangusig iti kaso.
