LAOAG CITY – Saan a makontrol ti Ilocos Norte Electric Cooperative ti unscheduled power interruption ken agduduma ti rason.
Daytoy ti inbatad ni Mr. Perry Martinez, ti acting General Manager iti Ilocos Norte Electric Cooperative.
Nupay kasta, inpasigurado ni Martinez nga apaman a maireport iti customer service ti kooperatiba dagiti lugar a nagpukaw ti serbisyo ti kuryente na ket insigida a turungen dagiti linemen da.
Kuna na a 24/7 a naka-standby dagiti naruay a linemen da tapno adda ti dagus nga agresponde no adda ti agbalin a problema kadagiti linya ti kuryente.
Kabayatanna, inpakaammo ni Martinez a tapno masigurado a komportable dagiti naruay a delegado para iti Palarong Pambansa 2025 ket mapanna sursursuren ti pagnanaedan dagitoy tapno amwen no ania dagiti problema maipapan iti supply ti kuryente.
