LAOAG CITY – Nagpinnirma ti Memorandum of Understanding (MoU) ti Commission on Elections (COMELEC) ken dagiti organisasyon a tumulong iti Barangay and Sangguniang Kabataan Elections (BSKE) intono Disyembre ita a tawen.
Karaman kadagiti nagpirma ket ti Parish Pastoral Council for Responsible Voting (PPCRV), National Movement for Free Elections (NAMFREL), National Youth Commission (NYC), National Commission on Indigenous Peoples (NCIP) ken dadduma pay nga organisasyon.
Inbatad ni Commission on Election Chairman George Erwin Garcia a suportado na no bilang mapagbalin nga hybrid ti panagbotos iti Barangay.
Kuna na a basbassit laeng ti kasapulan nga aramiden iti panagbotos isut gapuna a mabalin daytoy nga aramiden.
Nupay kasta, inlawlawag na a no daytoy ti ilungalong ket kasapulan ti baro a linteg ken nayun a budget.
