LAOAG CITY – Inbasura ti Commission on Elections ti petision tapno i-disqualify ni Senator-elect Erwin Tulfo iti May 2025 midterm elections.
Iti 25 a panid a desision ti Second Division idi Mayo 22 2025, nailanad a “dismissed” ti petision a madiskualipikar ni Tulfo nga inpataw ni Berteni “Toto” Causing ken ti Graft-Free Philippines Foundation Inc. (GFPFI) gapu iti pannakapaayda a sumurot kadagiti requirements kas ti pannakaisubmitir ti certificate of candidacy (COC) nga awan ti affidavit of authentication ken saan a nasertipikaran ti secretary.
Iti petision, inpetteng ni Causing a ni Tulfo ket nakumbiktaran iti krimen a karaman iti moral turpitude ken saan a maysa isuna a Filipino citizen.
Malaksid iti daytoy, ti maipagarup a panaglabsing iti Section 26 ti Article II ti 1987 Constitution para iti equal access iti serbisio publiko, dagiti probision ti political dynasty ken nepotismo.
Nalabsingda pay ti Section 1 ti Article XI ti 1987 Constitution gapu iti saan a panangipaneknek iti akademiko a kwalipikasion wenno kabaelan nga agserbi iti Pilipinas nga addaan ti naiget a responsibilidad, integridad, kinapudno ken kinalaing.
