LAOAG CITY – Inbutaktak ti White House nga addaan ti dua a lawas a pawayway ni United States President Donald Trump tapno agdesision no daytoy ket makiraman iti gubat iti nagbaetan ti Iran ken Israel.
Inbatad ni White House press secretary Karoline Leavitt nga agtultuloy ti ar-aramiden a panangobserbar ti Estados Unidos iti aniaman a mapaspasamak iti dua a pagilian.
Kunana a mamati ni Trump nga adda ti posibilidad a maaddaan ti negosasion iti dua a pagilian.
Namin-adun a daras a nagpanawagan ni Trump a nasken nga agsarita ti Israel ken Iran tapno naan-anay nga agsardengen ti riribuk.
Immunan nga inrakurak ti Iran a pagsungbatenda dagiti pagilian a makibibiang iti labanda ti Israel.
