LAOAG CITY – Inrakurak ni Mayor-elect James Bryan Alcid a kinasaritana ti Human Resources Office iti local a gobierno ditoy siudad ti Laoag.
Daytoy ket maipanggep iti renewal kadagiti empleado a Contract of Service (COS) ken Job Order (JO) workers iti lokal a gobierno ditoy siudad.
Inlawlawagna nga awan pay ti pammilinna a saan a ma-renew dagitoy gapu ta narigat ti transition nga ikkaten amin a saanna a kayat a katrabaho.
Kunana a no kastoy ket mabalin a ma-paralyze ti day to day nga operasion ti City Hall ditoy siudad ti Laoag.
Innayonna nga awan pay ti pinal a desisionna maipanggep daytoy a banag.
Maipalagip a ni Alcid ti baro a naelektaran kas Mayor ditoy siudad ti Laoag iti 2025 Midterm Elections ken manamnama ti panagtugawna iti puesto inton Hunio 30.
