LAOAG CITY – Kiniddaw ti Office of the Prosecutor iti International Criminal Court iti tribunal nga ibasura ti bid ni dati a Presidente Rodrigo Duterte para iti interim release.
Maipalagip a kiniddaw iti International Crimina Court ti defense counsel ni Duterte a ni Nicholas Kaufman iti nasapa a paset ita bolan ti pannakawaya-waya ti kliyente na ken temporaryo a pumanaw iti The Netherlands.
Nupay kasta, naikkat iti dokumento a naipablaak ti pagilian a kalikagom ti dati a presidente a pagtalinaedan na no mapatgan ti kiddaw ti kampo na nga interim release.
Mainaig iti daytoy, saan nga anamongan daytoy ti prosecution gapu ta nadagsen dagiti kaso a sangsangwen ni Duterte.
