LAOAG CITY – Saan pay a nakabunubon dagiti sumagmamano a mannalon iti ili ti San Nicolas gapu iti kinakurang ti danum.
Segun ken ni Mrs. Cecille Sambrano, Municipal Agriculturist iti nasao nga ili, kadagupan iti 1,379.20 nga ektaria a kataltalonan ket 689 nga ektaria wenno 50 a porsiento pay laeng ti nabunubunan.
Inbatadna a nakadepende kadagiti maseknan a mannalon ti panagtudo.
Inlawlawagna a saan pay a nangrugi ti panagbunubon dagiti sumagmamano a mannalon a nakadepende iti Bonga Pump 2 gapu ta nasullatan ti pagnaan ti danum kangrunaanna iti San Nicolas Damian Association.
Innayonna nga iti agdama ket adda ti tallo a backhoe a mangik-ikkat kadagiti nakaabbeng iti pagnaan ti danum.
