LAOAG CITY – Mangiwayat ti imbestigasion ti Women and Children Protection Desk ti Laoag City Police Station mainaig iti reklamo kontra iti mairekreklamo a maysa a mangisursuro ti Mariano Marcos State University – College of Teacher Education a ni Dr. James Zandro Ventura III.
Daytoy ti kinumpirmaran ni P/Maj. Sheryl Guzman, pannakangiwat ti Ilocos Norte Police Provincial Office.
Segun kenkuana, adda ti inyetnag a memorandum ti Ilocos Norte Police Provincial Office a mangibilbilin kadakuada ti panangiwayatda ti imbestigasion.
Iti agdama, inbatadna a manarimaan ti pannakisarsaritada kadagiti maseknan nga estudiante a maipagarup a nakapasar ti panang-bully, panangibabain ken sexual harassment babaen ken ni Ventura III.
Babaen iti daytoy, kunana nga ad-adda a makakalapda ti ad-adu nga impormasion a makatulong iti imbestigasion.
Inlawlawagna a no mapaneknekan a nagbasol ni Ventura III ket mabalin a mapatawan ti kaso kriminal a posible a pangibasaran daytoy ti Mariano Marcos State University a mangipataw ti kaso administratibo kontra iti nasao a mangisursuro.
Maipalagip nga inton Hulio 11 ket mangiparuk-at ti pinal a desision ti Mariano Marcos State University mainaig iti sangsangoen a reklamo ni Dr. Ventura III.
