LAOAG CITY – Kinumpirmaran ni Ms. Antonette Bareng, ti mangidadaulo iti Business Permit and Licensing Office ditoy ciudad ti Laoag nga agpapan kadagitoy a gundaway ket agkurkurang paylaeng ti empleado iti opisina da.
Segun kenkuana, agarop 10 laeng dagiti tao da isut gapuna a marigatan da iti trabaho aglalo no adda dagiti operasyon da.
Inbatad na a nabayagen a daytoy ti problema da ngem agpapan ita ket awan pay ti naipatulod a katulungan da.
Mangnamnama ni Bareng a manayunan ti empleado iti opisina da iti kabiitan a panawen tapno nalaglag-an laeng ti panangitultuloy da kadagiti ipapaay da a nagduduma a serbisyo.
