LAOAG CITY – Balligi a nainagunararan ti Laoag City Vehicle Pounding Compound iti Barangay 1 ditoy siudad ti Laoag.
Basar iti lokal a gobierno, ditoy a maipan dagiti nagduduma a lugan a matiltiliw wenno mairamraman iti desgrasia.
Daytoy nga addang ket napanunutan ti Department of Public Safety gapu ta mamati daytoy a nalawlawa ken nataltalged iti pakaipanan dagiti lugan.
Babaen iti daytoy, ad-adda a maiplastar dagiti ma-impound a lugan ken dadduma pay.
Maipalagip nga awan pay ti umiso a pakaikabilan dagiti lugan a matiltiliw ken mairamraman iti desgrasia ditoy siudad ti Laoag.
