LAOAG CITY – Mapagam-amkan nga umabot iti nasurok a 14 a milyon ti pumusay gapu agingga iti 2030 kalpasan ti panangputed ni President Donald Trump pondo nga ipapaay ti Estados Unidos para iti foreign humanitarian aid.
Basar iti panagadal, ti apagkatlo ti nasao a bilang nga agpeggad iti nasapa nga ipapatay ket dagiti ubbing.
Naamoan a dagiti pagilian a nababa ken kalaingan na laeng ti mapaspastrek na ket sumangsango iti arigna global pandemic wenno major armed conflict.
Maipalagip nga inrakurak idi Marso ita a tawen ni US Secretary of State Marco Rubio nga agarop 80% manipod kadagiti programa ti US Agency for International Development (USAID) ti nakanselar gapu ta ibilang ti Trump administration a panagsayang laeng ti pondo.
