LAOAG CITY – Kalikagum ti House Quad Committee ita a 20th Congress a denggen ti isyu dagiti mapukpukaw a mammallot.
Inbatad ni Manila 6th district Rep. Benny Abante, sakupen ti mapagsasaritaan ti extrajudicial killings o EJKs ti kaso dagiti mapukpukaw a mammallot.
Posible a maimbitaran kas resource person ni Julie Patidongan alyas “Totoy” a whistleblower iti kaso.
Immunan nga inbutaktak ni Patidongan nga inbelleng idiay Taal Lake dagiti bangkay dagiti biktima.
Kuna ni Abante, maimbitaran pay ni Atong Ang a maitudtudo a maipagarup a mastermind iti kaso banag a naiget a naglikudan ti negosiante.
Maipalagip nga idi 19th Congress, malaksid iti isyu ti EJKs ket inimbestigaren met ti Quad Comm ti operasion ti Philippine Offshore Gaming Operators ken ilegal a droga.
