LAOAG CITY – Kumpiansa da Representatives Joel Chua ti Manila ken Terry Ridon ti Bicol Saro Party-list nga ibasura ti Korte Suprema ti petision kontra iti impeachment proceedings a sangsangoen ni Vice President Sara Duterte.
Inpetteng da Chua ken Ridon, sinurot ti Kamara ti linteg, konstitusion, maipatpatungpal a jurisprudence ken proseso ti impeachment iti Bise Presidente.
Inpalagip ni Chua a miembro ti house prosecution team, saan daytoy ti umuna a panag-impeach iti nangato nga opisial opisya ti gobierno gapu ta napasamak daytoyen idi ken ni dati a Presidente Joseph Estrada.
Dinakamat met ni Ridon a nadagsen dagiti alegasion a nakaipalaon iti articles of impeachment kontra iti maikadua a kangatoan nga opisial ditoy pagilian.
