LAOAG CITY – Natay ti pito nga estudiante kalpasan a narpuog iti paset ti bubong ken pader ti pagadalan idiay western India.
Basar iti imbestigasion dagiti otoridad, kellaat latta a narpuog ti pader ken bubong kabayatan a mangisaysayangkat ti klase dagiti ubbing iti Jhalawar district idiay Rajasthan state.
Adda ti 26 a dadduma pay a biktima ti nairekord a nasugatan iti nasao nga insidente.
Naammoan a dumanon iti 60 nga agad-adal, mangisursuro ken staff members dagiti adda iti uneg ti maysa a kadsaaran ti pasdek idi napasamak ti aksidente.
Maitudtudo a rason ti aksidente ket ti sumagmamano nga awan sarday a panagtudona iti lugar.
