LAOAG CITY – Immapela ti Kamara iti Senado nga iyuray nga umuna ti pinal a ruling ti Korte Suprema iti impeachment trial kontra ken ni Vice President Sara Duterte sakbay a pagbubutosan nga ibasura daytoy.
Daytoy ti nagbalin a sungbat ti Kamara iti inbatad ni Senador Jinggoy Estrada a 19 agingga iti 20 a Senador ti agbutos a pabor iti Supreme Court ruling a mangibasura iti impeachment kalpasan ti panangideklararna nga unconstitutional.
Inpetteng ni House spokesperson Atty. Princess Abante a nasapa pay unay tapno mangiwayat ti nasao a tignay dagiti Senador.
Naammoan a 12 a mahistrado ti Korte Suprema ket agpapada a dinutokan ni dati a Presidente Rodrigo Duterte, maysa ti dinutokan ti pimmusayen a dati a Presidente Benigno Simeon Aquino ken maysa met ken ni Presidente Ferdinand Marcos Jr., nga isu ti pagat-atapan dagiti agpanpanday linteg a nakaimpluwensia iti desision.
