LAOAG CITY – Kalikagum ni Mayor James Bryan Alcid nga ad-adda pay a mapasayaat ti City Hall ditoy siudad ti Laoag.
Inbatadna a kitkitaenda a naimbag no kasano ti pannakapasayaat ti Laoag City Hall tapno nalaglagda.
Kunana nga arig museum ti kadaan ken kinapintas ti City Hall ngem daytoy ket narisgo.
Inlawlawagna a kanayon a mangiwaywayat ti inspeksion ti City Engineering Office iti estado ti City Hall.
Inpakaammona nga adda ti immun-unan a pannakisarsaritana iti nasao nga opisina no sadinno a sinaludsodna kadakuada a no mangilatang ti lokal a gobierno ti pundo a 10 a milyon a pisos iti kada tawen ket kabaelanna kadi pay ti 10 a tawen.
Innayonna a kitkitaenda ti posible a pannakaipasdek ti Government Center ditoy siudad ti Laoag gapu ta adu dagiti opisina ditoy siudad ti maestablisar.
