LAOAG CITY – Naminsan manen a nangidatag ti kondision ni Israeli Prime Minister Benjamin Netanyahu para iti naan-anay a panaglippas ti gubat idiay Gaza.
Segun kenkuana, masapul a maikkat dagiti armas dagiti Hamas, pannakawaya-waya dagiti hostage dagitoy sibibiag man wenno natayen.
Napateg nga agbalinen a demilitarised ti Gaza ken mangikabil ti Israeli security control iti Gaza Strip pakairamanan ti security perimeter.
Maaddaan ti alternative civil administration iti nagbaetan ti Hamas ken Palestinian Authority.
Inbatad pay ni Netanyahu a dagiti nadakamat a kondision ket maipasigurado ti seguridad ti Israel ken magun-od ti pudno a balligi.
Maipalagip a nakapungtot ti Hamas iti kinaadu dagiti kondision ti Israel a mangipakpakita laeng a saanda nga interesado iti ceasefire.
