LAOAG CITY – Nakapungtot ni Senador Rodante Marcoleta, Chairperson ti Senate Blue Ribbon Committee, kalpasan a saan a mailawlawag a nasayaat ni Alan Quirante, agtagikua ti QM Builders Inc., no kasanu a nakastrek iti kompanya da dagiti dadakkel a proyekto ti gobierno partikular ti P545 bilyon a flood control projects.
Ti QM Builders ket karaman kadagiti lima a kontratista a maipagarop a nakurang ti kapital wenno “undercapitalized.”
Inpetteng ni Marcoleta a masapol nga ilawlawag a naimbag ni Quirante no kasanu a nairaman ti nasao a kompanya iti listaan ti 15 a kontratista a nakagun-od ti binilyon a piso a proyekto iti gobyerno nga inpruk-at iti kallabes ni Presidente Ferdinand Marcos Jr.
Iti naiyuswat a panagdengngeg ti komite, sinaludsod ni Marcoleta sekna iti legal nga estado ti kompanya ni Quirante no sadinno nga immuna nga inpetteng ti negosyante a ti QM Builders ket maysa a sole proprietorship, ngem maipagarop a saan a rehistrado kas maysa a korporasyon, banag a nakakigtotan dagiti senador kangrunaan na ket karaman ti construction firm na kadagiti nakaala ti dadakkel a kontrata iti nagduduma a rehiyon.
Nupay kasta, napaisem iti sumagmamano a gundaway ti negosyante bayat a saanna a masungbatan diretso dagiti saludsod dagiti agpanpanday linteg a nakapikunan ti committee chairman ken ni Quirante.
Nagballaag pay ni Marcoleta nga adda ti iggem na a martilyo kagiddan ti panangiggem na iti daytoy nga adda laeng a mismo iti abayna.
Ditoy metten a tinulungan ni Sen. Ronald dela Rosa a mailawlawag na a naimbag dagiti ibagbagana iti nasao a panagdengngeg.
Malaksid ken ni Quirante, dinillaw pay ti komite ti Department of Public Works and Highways (DPWH) iti panangawat na ti sole proprietorship kas kontratista dagiti royekto nga agkasapulan ti nalawlawa a kapasidad ken accountability.
Naiyuswat ti imbestigasyon kalpasan ti nagbalin a rakurak ni Presidente Ferdinand Marcos Jr. a 20% ti flood control budget ket naipan laeng iti 15 a kontratista a nangitunda ti panagamak iti possible a panagkunniber iti implementasyon dagiti proyekto.
Target ti panagdengngeg ti Senado nga establisaren dagiti pananagutan at masiguro ang wastong paggamit ng pondo ng bayan.
