LAOAG CITY – Nagpaawag ti Israeli military ti agarop 60,000 a reservists sakbay iti plano a ground offensive tapno naan-anay a maokopar ti intero a ciudad ti Gaza.
Basar iti maysa a military official, dagiti reservists ket mangrugi nga ag-duty intono Setyembre ita a tawen ken kaadoan kadagiti tropa da a na-mobilized para iti opensiba ket dagiti aktibo a personnel da.
Inpakaammo pay ti opisyal a dagiti tropa da ket manarimaanen ti panagoperar da iti Zeitoun ken Jabalia areas kas paset ti preparasyon para iti plano nga opensiba nga inaprubaran ni Defence Minister Israel Katz.
Mainaig iti daytoy, ginasut a ribo a Palestinians iti Gaza City ti manamnama a mapagbakwit ken agturong da iti southern Gaza.
