LAOAG CITY – Inbilin ni Israeli Prime Minister Benjamin Nentayahu ti pannakaiyuswat dagiti negosasyon tapno marugyan ti pannakawaya-waya iti amin a nabatbati nga hostages ken panagngudon ti gubat iti Gaza iti babaen dagiti kondisyon nga awaten ti Israel.
Inpakaammo metten ni Netanyahu dagiti tropa da nga inaprubaran ti gabinete na ti plano para iti nalawa a panagatake iti Gaza City iti daya a paset ti teritoryo tapno parmeken ti Hamas ken wayawayaan amin dagit hostages da iti baet ti panangkontra ti international ken domestic organizations.
Maipalagip nga immnugot ti Hamas iti inlungalong ti Qatari ken Egyptian mediators para iti 60 nga aldaw a ceasefire idi Lunes.
Daytoy ket basar iti Qatar ket daytoy ti makitkita da a wagas para iti pannakawaya-waya ti kagudua ti nabatbati nga hostages iti Gaza.
Nupay kasta, saan pay nga inawat ni Netanyahu ti nasao a proposal.
Mamati ti Israel nga adda laengen ti 20 manipod iti 50 mga nga hostages ti sibibiag kalpasan ti 22 a bolan a gubat iti nagbaetan ti Israel ken Hamas.
