LAOAG CITY – Inlungalong ni Bagong Henerasyon Party-list Representative Robert Nazal a mapagbalin a linteg ti Financial Assistance for Solo Parents Program iti babaen ti Department of Social Welfare and Development.
Nakaipalaon ditoy iti inpila ni Nazal nga House Bill No. 240 wenno gakat a mangpalawa pay kadagiti benepisio nga inkeddeng ti Expanded Solo Parents Welfare Act.
Naammoan nga iti gakat ni Nazal ket maipaayan ti direkta a tulong pinansial ken taraon tapno maikkan ti umdas a nutrision dagiti annak dagitoy, medical, educational ken livelihood assistance kadagiti kualipikado a solo parents iti intero a pagilian.
Basar iti gakat ni Nazal, ti qualified solo parent a makapaspastrek ti saan a lumabes iti 14 a ribu a pisos iti kada bulan ket makaawat ti ₱5,000 pesos agingga iti ₱15,000 a cash assistance ken nasken nga adda pay ti rice assistance dagitoy manipud iti lokal a gobierno.
