LAOAG CITY – Nagpanawagan ni Nepali President Ramchandra Paudel kadagiti umili nga agkaykaysa kalpasan ti agtultuloy a tignay protesta.
Inallukoyna dagiti protesters a mangiwayatda ti panagsinnarita.
Maipalagip a kalpasan ti panaglusulos iti puesto ni Prime Minister KP Sharma Oli ket rinaut dagiti protesters ti parliament building ken inuramda.
Naammoan a karaman pay ti pagtaengan ti nagikkat a Prime Minister kalpasan ti panangatake dagiti protesters ngem nalappedan daytoy ti kapulisan.
Malaksid iti Prime Minister ket sumagmamano pay a cabinet ministers ti Nepal ti nagikkat iti puesto.
Immapela ti Nepali Army iti publiko nga agbalin a kalmado.
Maipalagip a nangrugi ti riribuk idi inpawil ti gobierno ti panagusar ti social media pakairamanan ti korapsion iti nasao a lugar.
