LAOAG CITY – Inpakammo ti Department of Foreign Affairs (DFA) nga awan ti Pilipino nga apektado iti panangrapt ti Israel kadagiti opisyal ti Hamas idiay Doha, Qatar.
Manarimaan met ti panangkita dagiti diplomats ti Pilipinas idiay Qatar ti sitwasyon dagiti Pilipino nga agnaned ken agtrabtrabaho idiay Doha.
Kalpasan met dagiti napaspasamak iti kabisera, gutgutiguten dagiti embahada dagiti amin a Pilipino nga agtalinaed iti uneg ken liklikan dagiti pampubliko a lugar malaksid laengen no kasapulan.
Nabalakadan pay dagiti Pilipino nga agtalinaed a kalmado ken ammoen dagiti damdamag manipud kadagiti mapagtalkan a sources ken suruten ti abiso dagiti lokal nga otoridad.
Ummuna iti daytoy, rinaot ti Israel kontra kadagiti lider ti Hamas idiay Qatar kageddan ti pannakapalawa iti military actions idiay Middle East tapno mairaman ti Gulf Arab state no sadinno ket nabayagen nga adda ti political base iti nasao a grupo.
Basar iti report, nakalasat manipud iti panangatake dagiti opisyal ti Hamas a karaman iti ceasefire negotiating team.
