LAOAG CITY – Desidido a mangipila ti kaso ni Mr. Manuel Suniga Rarangol, Operations Manager ti Florida bus company kontra iti nangbakal ti bato kadagiti dua a bus dagitoy.
Segun kenkuana, no bilang natay ti driver pakairamanan dagiti pasahero dagitoy ket dakdakkel manen daytoy a problema.
Inbatadna nga iti agdama ket manarimaan nga agpapaagas ti maysa kadagiti driver ti bus gapu ta nadangran iti paset ti matana iti panangbakal ti bato ti saan pay a nabigbig nga indibidual.
Inlawlawagna a dumanon iti 38 a ribu ti balor iti pannakadadael iti sumagmamano a paset dagiti dua a bus pakairaman ti labor daytoy.
Mainaig iti daytoy, dimmawat ni Rarangol ti panagpadispensar kadagiti pasaheroda gapu iti napasamak a pannakabakal ti bato iti dua a luganda a bus.
Maipalagip naubor dagiti dua a bus ti Florida a naggapu idiay Manila ken Baguio City ken agturong iti probinsia ti Cagayan kabayatan a dumalyasat iti paset ti Barangay 17, Tabug iti siudad ti Batac.
Kabayatanan, basar iti Batac City Police Station nga addan ti person of interest-da ngem saan pay a maibilang daytoy a suspek.
Nupay kasta, iyur-urayda no adda ti agtestigo tapno mapilaandan ti kaso ti adda iti likudan ti pannakaubor dagiti dua a bus a nakadangran ti maysa a driver-na.
