LAOAG CITY – Inrakurak ti United Kingdom a saan a panangibales iti Israel ti panagsagsagana ti France a makipagpaset kadagiti pagilian iti panangbigbig ti Palestinian state.
Inbatad ni Foreign Secretary Yvette Cooper a binallaaganna ti Israel a saanna nga i-annex dagiti paset ti West Bank kas panangibales iti panangbigbig ti United Kingdom iti Palestinian statehood.
Naammoan a manamnama a makikadua ti France ken dadduma pay nga estado ti Europa iti United Kingdom, Canada ken Australia kas panangbigbig iti maysa a Palestinian state.
Mainaig iti daytoy, inpakaammo ni Prime Minister Benjamin Netanyahu ti Israel a ti tignay ket mangted iti dakkel a gunggona iti terorismo.
Agtataripnong dagiti world leaders iti United Nations General Assembly idiay New York, nga addaan ti taripnong nga agturong iti two-state solution tapno malpasen ti gubat idiay Gaza iti mabiit no sadinno a manamnama a suroten ti Belgium ti deklarasion ti France iti taripnong.
