LAOAG CITY – Nanayunan pay ti bilang dagiti natay iti nagsasaruno a bagyo kas ti Bagyo Mirasol, Super Typhoon Nando ken bagyo Opong ditoy pagilian.
Segun iti National Disaster Risk Reduction and Management Council, umaboten iti 27 a tattao ti natay idinto a 33 dagiti nasugatan ken 14 dagiti mapukpukaw.
Umabot iti 3.4 milion nga indibidual wenno 906,000 a pamilia ti naapektaran dagiti nagsasaruno a bagyo, a ti kaadoan manipod iti nasao a bilang ket aggapo iti Bicol Region a 1.2 milion.
Nasurok met a 30,000 a pamilia ti nagtalinaed kadagiti evacuation centers idinto nga agtultuloy ti panangipaay ti gobierno iti tulong kadagiti biktima ti bagyo.
