LAOAG CITY – Natay ti tallo nga indibidual kalpasan a napupuk iti pannakanarpuog ti pagadalan idiay East Java, Indonesia.
Basar kadagiti otoridad, adda ti 99 a tattao ti naitaray iti ospital a sumagmamano kadakuada ket nagsagaba ti nakana a sugat ken manamnama a ngumato pay ti bilang dagiti pimmusay.
Saan a bumaba ti 38 a kaaduan kadagitoy ket agtutubo a lallaki a nagtalinaed a napupuk iti Al Khoziny Islamic Boarding School iti East Java ti Sidoarjo.
Segun iti Disaster Mitigation Agency, ti two-storey building ket unstable foundation a saanna a masuportaran ti kinadagsen ti konstruksion ti dua a kadsaaran.
Inbatadna a dagiti estudiante ket agtawen ti 12 agingga iti 17 no sadinno nga adda dagiti agsangsangit ken agpukpukkaw manipud iti narpuog a pasdek.
Kunana nga adda dagiti nagannak dagiti agad-adal ti nagpatpatnag a nagur-uray kabayatan ti maiwaywayat a rescue operation.
Nupay kasta, temporario a naipasardeng ti rescue operation gapu iti risgo a posible nga adda pay ti mapasamak a pannakanarpuog ti pasdek.
Mainaig iti daytoy, inpakaammo ni Mohammad Syafeii, mangidadaulo ti search and rescue agency Basarnas, ti narpuog a pasdek ket naaramid kas pancake type structure ken addaan ti konkreto nga slabs.
Innayonna a manarimaan ti panangisagsaganada para iti specialized operation ken pannakausar kadagiti heavy equipment kas ti cranes ken excavators.
