LAOAG CITY – Inpakaammo ni Engr. Joselito De Vera, Division Manager ti National Irrigation Administration ditoy probinsia a nangirubuatda ti Farming Support Services Program 2.0.
Segun kenkuana, naikkan ti opisinada ti maysa a milyon a pisos a pundo para iti pannakaipatungpal iti nasao a programa.
Inbatadna a malaksid ti Ilocos Norte ket naikkan pay ti sag-maysa a milyon a pisos ti Ilocos Sur, La Union ken Pangasinan.
Inlawlawagna a makikoordinarda kadagiti irrigators association babaen kadagiti kooperatibada nga aggatangda ti dry palay.
Kunana a naiget ti pannakibinnuligda kadagiti nagduduma a Local Government Units ditoy probinsia maipanggep iti daytoy a programa.
Innayon ni Engr. De Vera nga iti 80% manipud iti milling rice ket mabalinda nga ilako iti balor a 45 a pisos idinto a ti 20% nga irik ket usaren kas BBM rice a mailako iti 29 a pisos.
