LAOAG CITY – Nasugatan kalpasan a nabagkong iti namin-13 a daras ti kael-elektar na a mayor iti maysa nga ili idiay Germany.
Naitaray met a dagus iti ospital ti agtawen ti 57 a ni Mayor Iris Staltzer iti Herdecke City.
Basar iti imbestigasyon dagiti otoridad, sinerrek dagiti saan pay a nabigbig a suspek ti balay ti mayor.
Ni Staltzer ket adda iti partido ti Social Democratic Party (SPD) ken daytoy ket naelektaran laeng idi Setyembre 28 no sadinno manamnama kuma ti pormal a panagtugaw na iti puwesto intono bulan ti Nobyembre.
Dagus met nga inbilin ni German Chancellor Friedrich Merz ti pannakaiyuswat ti naan-anay nga imbestigasyon mainaig iti pasamak.
Iti agdama ket agtultuloy ti panangammo dagiti otoridad no ania ti motibo iti pannakabagkong ti mayor iti nadakamat a lugar.
