LAOAG CITY – Inpetteng si Senador Alan Peter Cayetano a nakasagana daytoy nga umuna nga agikkat iti puesto laketdi sumaruno dagiti amin a padana nga agpanpanday linteg iti kapada nga addang.
Inaramidna ti rakurak iti baet ti panawagan para iti nalawlawa a reporma iti gobierno ken panangdalus kadagiti opisial.
Inlawlawagna a saan daytoy a kapit-tuko iti posision ken sitatallugod nga agsakripisio no mangited daytoy iti nadaldalus ken ad-adda a mapagtalkan a gobierno.
Namunganay ti rakurak kadagiti diskusion mainaig iti accountability dagiti opisial ti gobierno kagiddan dagiti kontrobersial a sangsangoen dagiti sumagmamano nga ahensia.
Nagpanawagan ni Cayetano ti panagkaykaysa a tignay tapno maisubli ti talek ti publiko iti institution ti gobierno.
