LAOAG CITY – Dumanon iti 300 nga estudiante ti nabenepisiaran kadagiti nagduduma a programa ti Public Employment Service Office ti Provincial Government of Ilocos Norte.
Segun ken ni Mrs. Liz Atuan, mangidadaulo ti nasao nga opisina, ti pannakaipaay ti pagtrabahoan dagiti estudiante, fresh graduate ken dagiti agtutubo ket maysa laeng kadagiti kalikagum ni Gov. Cecilia Araneta Marcos ken ni Vice Gov. Matthew Marcos Manotoc.
Gapu iti daytoy, agtultuloy dagiti maisaysayajgkat a job fair, jobstart Philippines, Special Program Employment for Students, Government Internship Program ken dadduma pay.
Inbatadna a dakkel a nakatulong dagitoy a programa kadagiti umili gapu ta adda pay dagiti skills training a maipapaay kadakuada babaen ti tulong manipud iti Technical Education and Skills Development Authority in the Philippines wenno TESDA.
Mainaig iti daytoy, iti agsasaruno a tallo a tawen ket nabigbig ti PESO-Province kas BEST PESO iti intero a rehion uno.
Patien ni Atuan a ti kangrunaan a rason ket gapu iti awan sarday a panangipaayda ti suporta ken tulong tapno maadddaan ti panggedan dagiti umili.
