LAOAG CITY – Inpakammo ti lokal a gobierno ti ciudad ti Laoag a 50 a porsieno kadagiti positibo iti Human immunodeficiency virus (HIV) ti Ilocos Norte ket manipud ditoy ciudad.
Segun kenni Mayor James Bryan Alcid, ti datos ket manipud iti Provincial Health Office.
Nupay kasta, inlawlawag ti mayor a dagiti dadduma manipud iti 50 a porsiento a positibo ket agnanaed iti nagduduma a paset iti pagilyan ngem naideklara a residente dioy ciudad.
Kunana a daytoy ti gapo na no apay nga agparang ken mainayon dagitoy kadagiti kaso ditoy ciudad.
Mainaig iti daytoy, inbatad ni Alcid nga agtultuloy ti ar-aramiden ti lokal a gobierno nga addang tapno bumaba ti kaso ken adda dagiti test kits a mabalin a gundawayan dagiti residente.
Inpanamnama na a no awan ti agas ket mabalin da a mangiyalokar iti pondo a paggatang.
