LAOAG CITY – Inbasura ti Korte Suprema ti petisyon ti Duterte Youth party-list nga agkidkiddaw a lapdan ti Commission on Election (COMELEC) iti panangkanselar iti registration da.
Segun iti Supreme Court, nagkedked da iti kiddaw ti nasao a party-list para iti temporary restraining order, writ of preliminary injunction ken status quo ante order.
Addaan met ti 10 nga aldaw ti COMELEC nga agsumitir ti komento iti petisyon ti Duterte Youth.
Maipalagip a nagsubmitir ti nadakamat a party-list sa SC gapo iti panangkwestyun iti resolution ti Comelec.
Ti maysa a resolution ket inparuk-at ti Second Division idi Hunyo 18 no sadinno kinanselar na ti registration ken ti maysa met ket inruar ti Comelec en banc idi Agosto 29 a nangibasura iti motion for reconsideration ti Duterte Youth.
Ibilang met ti Duterte Youth a ti rulings ket maysa a grave abuse of discretion.
Nakaala ti tallo a tugaw wenno pwesto ti partylist matapos kalpasan a nakaala ti 2.3 milyon a butos idi Mayo 2025 elections.
