LAOAG CITY – Inbasura ti Korte Suprema ti petisyon nga inpila ni Cassandra Li Ong kontra kadagiti komite ti Senado ken House of Representatives a nangiyuswat ti imbestigasyon ti anomalya iti Philippine Offshore Gaming Operators (POGOs).
Basar iti desisyon a pirmado ni Associate Justice Jhosep Lopez, bigbigbigen ti Supreme Court (SC) ti bileg ti Kongreso a mangiyuswat ti panagdengeg in aid of legislation.
Ni Ong ket karaman iti operasyon ti Lucky South 99 iti Porac, Pampanga a na-raid babaen kadagiti otoridad gapo iti iligal nga operasyon daytoy.
Inbatad ni Ong iti petisyon na a linabsing ti Kongreso ti karbengan da tapno agulimek ken right against self-incrimination.
Inakusaran na pay ti House QuadComm nga inabuso na ti bileg na ken patien nan a saanen nga hurisdiction daytoy ti panangiyuswat ti imbestigasyon gapo ta mapilpilit isuna a mangiyuswat ti impormasyon.
Inlawlawag met ti SC a ti legislative power ti Kongreso ket nakalanad iti 1987 Constitution isut gapo nga awan ti nalabsing.
Ni Ong ken dagiti dadduma pay ket sumangsango iti kaso a qualified human trafficking a naipila idi Abril.
