LAOAG CITY – Inbatad ni Atty. Richard Anthony Fadullon, prosecutor general ti National Prosecution Service a malaksid kadagiti agasawa a Discaya ket ‘selective’ pay dagiti sumagmamano a testigo nga umas asideg iti Department of Justice.
Mamati ni Prosecutor General Fadullon a sumagmamano kadagitoy ket saan da pay a nailanad dagiti amin nga ammo da mainaig iti anomalya iti flood control projects.
Inlawlawag na a dagiti dadduma a testigo ket adda ti pilpilyen da no siasinno ti inaganan da a karaman iti isyu ti korapsyon.
Segun kenni Atty. Fadullon, ti awag iti daytoy ket selective memory wenno selective amnesia gapo ta sumagmamano kadagitoy ket makaliplipat no masaludsod kadagiti ammo da.
Kuna pay ni Prosecutor General Richard Anthony Fadullon a saan da a dagus a mamati no ania dagiti ‘testimonya’ nga ibagbaga dagiti agparparang a testigo.
Inlawlawag na pay a dumalan amin dagitoy iti ebalwasyon tapnno masigurado ti detalye ken impormasyon no matuloy iti korte ti kaso.
