LAOAG CITY – Mangipila ti Independent Commission for Infrastructure (ICI) ti baro a referrals iti Office of the Ombudsman kontra kadagiti dadduma pay a karaman iti maanomalya a flood control projects.
Inbatad ni Independent Commission for Infrastructure Executive Director Atty. Brian Keith Hosaka, manarimaanen ti panangtingiting ti Komision dagiti ebidensia nga ipilada iti Ombudsman.
Inpasigurado ni Hosaka nga awan ti gagar a makibiang ti Amerika iti imbestigasion ti Independent Commission for Infrastructure kalpasan ti courtesy call iti Komision idi Biernes ti pannakabagi manipud iti United States Embassy.
Kunana a daytoy ket iti baet a nagsaludsod mainaig iti taray ti imbestigasion ti Komision iti eskandalo iti flood control projects.
Kabayatanna, awan pay ti listaan ti Independent Commission for Infrastructure dagiti personalidad a paayabanda mainaig iti agtultuloy nga imbestigasion iti eskandalo.
