LAOAG CITY – Mangnamanama ni Mr. Rene Castillo, head coach ti team Arnis ti Ilocos Norte a makaiyawid da ti balitok a medalya dagiti atleta iti arnis a makilaban iti Batang Pinoy 2025 idiay General Santos City.
Segun kenni Castillo, dua laeng nga atleta iti arnis ti pambato ti Ilocos Norte ken dagitoy ket isuda Rhianne Mae Castillo ken Jaino Inas Galzote a gold medalist iti Palarong Pambasa.
Inlawlawag na a nakakondisyon met dagiti atleta ken mangnamnama a napintas ti ipakita da iti laban da.
Inbatad na a nasurok a makabulan ti in-house training dagiti dua nga atleta ti arnis para itidaytoy nga sporting event.
Naamoan a ti guidelines a nasurot iti Palarong Pambsa ket isu met laeng iti Batang Pinoy.
Kabayatanna, nagyaman ni Castillo, iti nabara a panangsarabo ken panangasistir ti lokal a gobierno ti General Santos City.
Innayon na a kalpasan pay ti panangbisita da iti venue ket nakita dagiti empleado ti lokal a gobierno isuda iti merkado publiko ken dagitoy ti nangasistir kadakuada.
