LAOAG CITY – Nanayonan pay ti mai-deploy a kameng ti Philippine National Police (PNP) para iti pananglagip ti Undas ditoy pagilian.
Inbatad ni Philippine National Police Public Information Office Chief BGen. Randulf Tuaño, adda iti pakabuklan a 50,253 a Philippine National Police personnel ti mai-deploy kadagiti kamposanto, columbarium, bus station, pantalan ken dadduma pay a lugar.
Kunana nga adda ti 16,592 ti mai-deploy manipud iti Armed Forces of the Philippines (AFP), Bureau of Fire Protection (BFP), Philippine Coast Guard (PCG) ken dadduma pay a supporting units.
Kabayatanna, adda ti 45,712 a force multipliers kas ti Tanod, Radio Group ken dadduma pay a non-government organizations (NGOs) ti karaman iti nasao a deployment.
Naammoan a dagiti nasao a mai-deploy ket tumulong iti crowd control, traffic management ken emergency response tapno masigurado ti naurnos ken natalged a pananglagip ti Undas.
