LAOAG CITY – Agtultuloy pay laeng ti search and rescue team ti panagbirok da iti menor de edad a mapukpukaw iti kabaybayan a paset ti Barangay Calayab ditoy ciudad ti Laoag.
Segun kenni Fire Inspector Edison Reyes, Fire Marshal iti Bureau of Fire Protection (BFP) ditoy ciudad ti Laoag, katulungan da nga agbirbirok ket ti chopper ti Philippine Air Force.
Inbatad na nga itay bigat ket nagsawar da iti probinsya ti Ilocos Sur ngem saan da a nabirukan ti menor de edad.
Malaksid ti daytoy, kunana nga inyuswat da pay foot patrolling kasta met iti panangipatayab da iti drone ngem limitado laeng gapo ta adda dagiti restriksyon.
Ummunan nga inbatad ti rescue teams a karit kadakuada iti panangbirok da iti biktima ket ti kinadawel ti baybay.
Mainaig iti daytoy, mangnamnama ni Reyes nga adda pay laeng ditoy probinsya ti Ilocos Norte ti bagi ti biktima ken makita dan daytoy.
