LAOAG CITY – Natay ti lima a German climbers, pakairamanan ditoy ti agtawen ti 17 a basalitang ken ti ama na kalpasan a natamaan da ti avalanche iti Dolomite mountains idiay Italya.
Basar iti report, dagiti mountaineers ket addaan ti nagsina a grupo no sadinno a kabayatan ti panagdaldalyasat da iti Cima Vertana iti Ortler Alps ket bigla a timmama ti napigsa a panagtupak ti snow.
Agpada a ginuyud ti avalanche dagiti agama ken kalpasan ti sumagmamano nga oras ket narekobre ti bagida, karaman ti tallo pay a kakadwa da.
Naruay dagiti mountain climbers a mangdaydayo iti nadakamat a lugar laketdi napintas ti panawen.
Nupay kasta, masdaaw dagiti otoridad no apay nga iti malem ti panangisayangkat ti hiking dagiti biktima.
