LAOAG CITY – Inbutaktak ni House Deputy Minority Leader ken ACT Teachers Party-list Representative Antonio Tinio nga adda ti iregularidadna ti ₱4.35 billion pesos a flood control projects idiay Davao City idi 2019 agingga iti 2022.
Inbatad ni Tinio, daytoy ket basar kadagiti datos a naalada iti Department of Public Works and Highways (DPWH) ken kadagiti budget documents.
Inlawlawagna a nakitaan ti red flags ti 80 a kontrata manipud iti 121 a kontrata ti flood control projects idiay Davao ken Matina Rivers.
Rumrummuar a dagiti karaman a contractors kadagiti nasao a proyekto a dinakamat ni Tinio ket dagiti sumaganad:
Rely Construction & Supply Inc.
Legacy Construction Corporation
Abu Construction
St. Timothy Construction
Alpha and Omega Construction
Alfrego Builders
Genesis88
Gapu iti daytoy, nagpanawagan ni Tinio iti Commission on Audit (COA), Independent Commission for Infrastructure (ICI) ken Office of the Ombudsman tapno mangiwayat ti imbestigasion mainaig iti daytoy.
