LAOAG CITY – Nagsarita iti telepono da Israeli Prime Minister Benjamin Netanyahu ken Russian President Vladimir Putin idi kalman tapno trataren ti napapateg nga isyu iti Middle East.
Iti statement, inbatad ti Kremlin a nagsinnukat ti opinyon ti dua a lider mainaig iti agdama a sitwasyon iti rehiyon, karaman ti Gaza Strip, ti pannakaipatungpal ti katulagan ti ceasefire ken dagiti panagsisinnukat kadagiti hostages da.
Napagsaritaan pay da Netanyahu ken Putin ti estado ti nuclear program ti Iran, karaman dagiti addang tapno ad-adda pay a mapatalged ti sitwayon iti Syria, kas ti dua a pagilian iti Middle East.
Ti panagsarita dagiti dua a lider ket napasamak kalpasan a narugyan manen idi Oktubre 6 ti negosasyon iti nagbaetan ti Israel ken Hamas, iti panangidaulo ti Egypt, Qatar, Estados Unidos, ken Turkey kas mediators.
