LAOAG CITY – Inbatad ti Department of Education (DepEd) a nababbaba ngem 50 a porsiento kadagiti 47,000 a public schools iti pagilian ti adda naka-instolar a CCTV camera-na iti baet dagiti ado a napasamak a kinaranggas iti napalabas a bulan.
Daytoy ket kalpasan ti deliberation ti House Committee on Basic Education and Culture iti nagduduma a gakat iti school security ken safety.
Segun ken ni Department of Education (DepEd) Assistant Secretary Roger Masapol a dagos a nangiwayatda ti security ken safety audit kadagiti pagadalan kalpasan ti shooting incident idiay Tacloban a rumrumuar nga adda laeng 36% ti pagadalan nga adda ti CCTV na.
Kinunana a dinobleda ti nangiwayat ti security ken safety audit ket immabot daytoy iti 49%.
Inbatadna a mapatta-patta nga amin a pagadalan ket maaddaan ti CCTV cameras intono tawen 2028.
Inlawlawagna a ti mainstolar a CCTV ket maibasar iti enrollment ti pagadalan.
Small schools nga addaan 500 nga estudiante, inrekomendarna ti 10 a camera;
Medium schoolas nga addaan ti 501 agingga 1,000 nga estudiante, inrekomendarna ti 10 agingga 15 a camera; ken
Schools more than 1,000 nga estudiante, inrekomendarna ti agarup 20 a CCTTV cameras.
Mainaig iti daytoy, kinunana pay a kasapulan a nakabasr ti enrollment ti bilang ti security guards a ma-assign iti tunggal pagadalan.
