LAOAG CITY – Balligi ti pannakaisayangkat ti Laoag City Athletic Association Meet 2025 a nagngudo iti kalman iti dakkel a mall ditoy ciudad.
Segun iti Schools Division Office ditoy ciudad ti Laoag, iti elementary category ket nagkampeon ti District 2; 1st runner up ti District 1; 2nd Runner Up t Distict 3 ken 3rd runner-up ti Association of Private Schools.
Iti met secondary category ket nagkampeon ti Ilocos Norte National High School; 1st runner-ip iti Ilocos Norte College of Arts and Trades; 2nd Runner-up iti Ilocos Norte Regional School of Fisheries ken 3rd runner-up ti Mariano Marcos State University-Laboratory High School.
Immuna iti daytoy, naisayangkat ti Mr. and Miss Laoag City Athletic Association Meet 2025 no sadinno a ti napagasatan a nakoronaan ket isuda Fritz Owen Tumacder iti Ilocos Norte College of Arts and Trades ken ni Rasanpreet Kaur iti Our Savior’s Foundation Inc.
Maipalagip nga inrakurak ni Mr. Hipolito Salva Jr. a dagiti nangabak iti City eet ken Inter School ti agbalin a pagibasaran ti gobierno lokal ken ti School’s Division Office ti panagpili no siasinno dagiti mangibagi iti ciudad ti Laoag iti mapaspasangasangan a Region 1 Athletic Association intono Marso 2026 a maisayangkat iti probinsya ti Ilocos Sur.
