LAOAG CITY – Nauram ti maikatlo a kadsaaran ti Senate Building iti Pasay City.
Agarop alas- 6:30 itay bigat a nangrugi ti apoy a dagus nga immabot iti second alarm kalpasan ti agarop kagudua ti oras.
Dagus a nagresponde dagiti firetruck ken fire volunteers tapno sebseban ti apoy ken maisalakan dagiti empleado iti uneg ti pasdek.
Nabalkot ti napuskol nga asok ti maikatlo a kadsaaran idinto nga am-amwen paylaeng ti Bureau of Fire Protection (BFP) ti nangrugyan ti insidente.
Agarop alas-8:20 itay bigat ket naideklarar a fire out ti uram kalpasan ti agarop dua nga oras nga operasyon.
Agtultuloy ti isaysayangkat nga imbestigasyon dagiti otoridad tapno maestablisar ti makaigapu iti uram ken masigurado ti kinatalged iti senado.
