LAOAG CITY – Natay ti uppat nga indibidual ken 10 a dadduma pay ti nasugatan iti napasamak a mass shooting idiay Stockton, California.
Basar iti San Joaquin County Sheriff’s Office a karaman dagiti ubbing kadagiti pimmusay.
Iti inisyal nga imbestigasion ti kapulisan ket adda ti panangselebrar ti maysa a grupo para iti birthday party ti maysa nga ubing idi a kellaat a pinaltu-paltogan isuda dagiti armado a suspek.
Insigida met a naglibas ti suspek ken agtultuloy ti panangbiruk dagiti otoridad kenkuana.
Iti agdama, am-ammoen pay laeng ti kapulisan ti motibo ti suspek iti nasao a pammaltog.
