LAOAG CITY – Inpakaammo ni Mayor James Bryan Alcid nga ado pay dagiti plano ken maaramid a pagsayaatan ditoy ciudad ti Laoag.
Segun kenkuana, iti lima a bulan a panagtugaw na kas Mayor ditoy ciudad ket ado metten dagiti naaramidan na.
Nupay kasta, ado pay dagiti kalikagom na nga ipatungpal kabayatan ti panagtakem na kas ama ditoy ciudad.
Inbatad na a binilin na dagiti department heads nga ad-adda pay a paigetan da ti agtrabaho.
Kunana a ti maysa a karit kenkuana ket masapol a matungpal amin dagiti naikarina iti publiko, a nupay naaramid na iti first 100 days na ket masapol nga agbalin laeng a consistency wenno agtuloy-tuloy.
Kabayatanna, inpanamanma iti Mayor iti ad-adda a napinpintas wenno al-alisto a serbisio para kadagiti umili ditoy ciudad ti Laoag.
