LAOAG CITY – Suportado ti Philippine National Police (PNP) ti plano a panangiparuk-at ti reward money para iti dagus a pannakatiliw ni dati nga AKO Bicol Partylist Representatives Zaldy Co.
Segun kenni acting PNP chief Lt. Gen. Jose Melencio Nartatez Jr., agtultuloy ti pannakikoordenar da kadagiti nagduduma nga ahensiya kas iti Department of Interior and Local Government (DILG) ken Office of the President para iti pannakaurnos iti pannakatiliw ni Co.
Inbatad na nga agaramid da pay laeng ti pormal a rekomendasyon iti reward scheme ken nakatutok da iti pannakaarestar daytoy.
Ti nasao a reward ket makatulong iti komunidad tapno maitudo ti lokasyon ni Co.
